iOS და Android ლაბორატორია

iOS და Android ლაბორატორია წარმოადგენს თანამედროვე ტექნოლოგიურ სივრცეს მობილური აპლიკაციების შემუშავების, პროგრამირების, ტესტირებისა და ციფრული პროდუქტების შექმნისთვის. ლაბორატორია აღჭურვილია Apple-ის Mac სამუშაო სადგურებით და უზრუნველყოფს შესაბამის ტექნოლოგიურ გარემოს iOS და Android პლატფორმებისთვის აპლიკაციების შექმნისა და განვითარებისათვის. სივრცე განკუთვნილია სტუდენტების სასწავლო და პრაქტიკული საქმიანობისთვის, ინდივიდუალური და გუნდური პროექტების, ჰაკათონებისა და ინოვაციური ციფრული პროდუქტების შესაქმნელად. ლაბორატორია შეიქმნა USAID-ის დაფინანსებით.

• სამუშაო სადგურები და სხვა ტექნიკური რესურსები გამოიყენეთ მხოლოდ სასწავლო, კვლევითი ან პროექტული საქმიანობისთვის.
• პროგრამული უზრუნველყოფის ინსტალაცია, ოპერაციული სისტემის ან სისტემური პარამეტრების შეცვლა დასაშვებია მხოლოდ ლაბორატორიის მენეჯერთან შეთანხმებით.
• არ შეცვალოთ ან წაშალოთ სამუშაო სადგურებზე არსებული პროგრამული უზრუნველყოფა, მომხმარებლის ანგარიშები ან სისტემური ფაილები.
• სამუშაოს დასრულებამდე შეინახეთ პროექტები და საჭირო ფაილები პირად ან ღრუბლოვან საცავში - სამუშაო სადგურებზე შენახული მონაცემები შესაძლოა პერიოდულად წაიშალოს.
• ნებისმიერი ტექნიკური გაუმართაობის ან დაზიანების შესახებ დაუყოვნებლივ აცნობეთ ლაბორატორიის მენეჯერს.
• სამუშაოს დასრულების შემდეგ გამოდით პირადი ანგარიშებიდან და დატოვეთ სამუშაო სივრცე მოწესრიგებულ მდგომარეობაში.