მედია ლაბორატორია და პოდკასტ სტუდია

მედია ლაბორატორია და პოდკასტ სტუდია წარმოადგენს თანამედროვე სივრცეს აუდიო, ვიდეო და ციფრული კონტენტის შექმნისა და წარმოებისთვის. სტუდია აღჭურვილია პროფესიონალური აუდიო-ვიდეო ტექნიკით, განათების სისტემებით, მიკროფონებითა და კონტენტის დამუშავებისთვის საჭირო ტექნოლოგიური რესურსებით. სივრცე განკუთვნილია პოდკასტების, ვიდეოების, ინტერვიუების, საგანმანათლებლო და სხვა ციფრული კონტენტის ჩაწერისა და დამუშავებისთვის და ხელმისაწვდომია სტუდენტების, პროფესორებისა და პარტნიორებისთვის. ლაბორატორია შეიქმნა iMERGE პროექტის ფარგლებში, DAAD-ის მხარდაჭერითა და გერმანიის კვლევის, ტექნოლოგიებისა და კოსმოსის ფედერალური სამინისტროს (BMFTR) დაფინანსებით.

• ლაბორატორიის ტექნიკა გამოიყენეთ მხოლოდ დანიშნულებისამებრ და შესაბამისი ინსტრუქციების დაცვით.
• კამერების, მიკროფონების, განათებისა და სხვა პროფესიონალური აღჭურვილობის კონფიგურაცია ან გადაადგილება დასაშვებია ლაბორატორიის მენეჯერთან შეთანხმებით.
• ჩაწერის დაწყებამდე შეამოწმეთ საჭირო მოწყობილობები და ნებისმიერი გაუმართაობის შესახებ აცნობეთ ლაბორატორიის მენეჯერს.
• ჩაწერის დასრულების შემდეგ გადაიტანეთ და შეინახეთ თქვენი ფაილები პირად ან ღრუბლოვან საცავში.
• დაუშვებელია სტუდიის ტექნიკის სივრციდან გატანა.
• გამოყენების დასრულების შემდეგ დააბრუნეთ მოწყობილობები და აქსესუარები განსაზღვრულ ადგილას და დატოვეთ ლაბორატორია მოწესრიგებულ მდგომარეობაში.