BTU-ს ინოვაციური ლაბორატორიები

ციფრული ტყუპების ლაბორატორია წარმოადგენს თანამედროვე ტექნოლოგიურ სივრცეს ციფრული ტყუპების შექმნის, რეალური სისტემებისა და პროცესების ვირტუალური მოდელირების, სიმულაციისა და პროტოტიპირებისთვის. ლაბორატორია აღჭურვილია მაღალი წარმადობის სამუშაო სადგურებით, 3D პრინტერებით, Arduino-ს პლატფორმებით, სენსორული ნაკრებებითა და მოდელირების პროგრამული უზრუნველყოფით. სივრცე განკუთვნილია სტუდენტების, მკვლევრებისა და პარტნიორების სასწავლო, კვლევითი და გამოყენებითი პროექტებისთვის. ლაბორატორია შეიქმნა ევროკავშირის თანადაფინანსებით, DIGITECH პროექტის ფარგლებში.

XR და ხელოვნური ინტელექტის ლაბორატორია წარმოადგენს თანამედროვე ტექნოლოგიურ სივრცეს ვირტუალური (VR), გაფართოებული (AR), ხელოვნური ინტელექტისა და მანქანური სწავლების ტექნოლოგიებზე მუშაობისთვის. ლაბორატორია აღჭურვილია VR მოწყობილობებით და განკუთვნილია ინტერაქტიული XR გამოცდილებების, AI მოდელებისა და ინოვაციური ციფრული პროდუქტების შექმნისა და ტესტირებისთვის. სივრცე ხელმისაწვდომია სტუდენტების, მკვლევრებისა და პარტნიორებისთვის სასწავლო, კვლევითი და გამოყენებითი პროექტების განსახორციელებლად. ლაბორატორია შეიქმნა iMERGE პროექტის ფარგლებში, DAAD-ის მხარდაჭერითა და გერმანიის კვლევის, ტექნოლოგიებისა და კოსმოსის ფედერალური სამინისტროს (BMFTR) დაფინანსებით.

მედია ლაბორატორია და პოდკასტ სტუდია წარმოადგენს თანამედროვე სივრცეს აუდიო, ვიდეო და ციფრული კონტენტის შექმნისა და წარმოებისთვის. სტუდია აღჭურვილია პროფესიონალური აუდიო-ვიდეო ტექნიკით, განათების სისტემებით, მიკროფონებითა და კონტენტის დამუშავებისთვის საჭირო ტექნოლოგიური რესურსებით. სივრცე განკუთვნილია პოდკასტების, ვიდეოების, ინტერვიუების, საგანმანათლებლო და სხვა ციფრული კონტენტის ჩაწერისა და დამუშავებისთვის და ხელმისაწვდომია სტუდენტების, პროფესორებისა და პარტნიორებისთვის. ლაბორატორია შეიქმნა iMERGE პროექტის ფარგლებში, DAAD-ის მხარდაჭერითა და გერმანიის კვლევის, ტექნოლოგიებისა და კოსმოსის ფედერალური სამინისტროს (BMFTR) დაფინანსებით.

iOS და Android ლაბორატორია წარმოადგენს თანამედროვე ტექნოლოგიურ სივრცეს მობილური აპლიკაციების შემუშავების, პროგრამირების, ტესტირებისა და ციფრული პროდუქტების შექმნისთვის. ლაბორატორია აღჭურვილია Apple-ის Mac სამუშაო სადგურებით და უზრუნველყოფს შესაბამის ტექნოლოგიურ გარემოს iOS და Android პლატფორმებისთვის აპლიკაციების შექმნისა და განვითარებისათვის. სივრცე განკუთვნილია სტუდენტების სასწავლო და პრაქტიკული საქმიანობისთვის, ინდივიდუალური და გუნდური პროექტების, ჰაკათონებისა და ინოვაციური ციფრული პროდუქტების შესაქმნელად. ლაბორატორია შეიქმნა USAID-ის დაფინანსებით.

ქსელების ლაბორატორია წარმოადგენს თანამედროვე ტექნოლოგიურ სივრცეს კომპიუტერული ქსელების, ქსელური ინფრასტრუქტურისა და უსაფრთხოების ტექნოლოგიების პრაქტიკული შესწავლისთვის. ლაბორატორიის ინფრასტრუქტურა მოიცავს კორპორატიულ Wi-Fi ქსელს, როუტერებსა და სვიჩებს, ოპტიკურ ქსელს, ვიდეოსამეთვალყურეო და დაშვების კონტროლის სისტემებს, ასევე შესაბამის პროგრამულ უზრუნველყოფას. ლაბორატორია სტუდენტებს შესაძლებლობას აძლევს პრაქტიკულად გაეცნონ Ubiquiti, MikroTik და Uniview ტექნოლოგიებს, ქსელების კონფიგურაციისა და მართვის პრინციპებს და თანამედროვე ინფრასტრუქტურული გადაწყვეტილებების ფუნქციონირებას. ლაბორატორია შეიქმნა Intellcom Group-ის მხარდაჭერით და გამოიყენება სასწავლო, პრაქტიკული და პროექტული საქმიანობისთვის.

ინდუსტრია 4.0 ლაბორატორია წარმოადგენს თანამედროვე ტექნოლოგიურ სივრცეს Industry 4.0-ის, ციფრული ტრანსფორმაციისა და თანამედროვე ინდუსტრიული ტექნოლოგიების შესწავლისა და პრაქტიკული პროექტების განხორციელებისთვის. ლაბორატორია აღჭურვილია მაღალი წარმადობის კომპიუტერებითა და თანამედროვე სადემონსტრაციო ეკრანით, რაც ქმნის შესაბამის გარემოს სწავლების, ციფრული მოდელირების, მონაცემებთან მუშაობისა და გუნდური პროექტებისთვის. სივრცე განკუთვნილია სტუდენტების, მკვლევრებისა და პარტნიორების სასწავლო, კვლევითი და გამოყენებითი პროექტებისთვის. ლაბორატორია შეიქმნა ევროკავშირის თანადაფინანსებით, HEIn4 პროექტის ფარგლებში.